Officer siksawi ho zingah Mizoram GAD secretary

Lok Sabha inthlanpui neih hun tur puan a nih tak avangin Election Commission of India (ECI) duh dan angin officer ho siksawi kual mek an ni a. Mizoram sawrkara General Administration Department commissioner/ secretary pawh a tel.
MP inthlan neih hmasakna tur state-a sawrkar officer hotulu sawn lailawk tur zingah Mizorama GAD commissioner/ secretary hna chelh mek Vanlaldina Fanai (ICAS: 2002) pawh a tel a, a ni hi chief minister-in commissioner/ secretary-a a hman mek niin, GAD bakah Planning & Programme Implementation department a chang tel a ni.
GAD secretary kalchhuak ta K Lalthawmmawi chu DP&AR chang zui zel turin Mizoram sawrkar chuan a lo ti tawh a ni.