Oil thlitfimna kang vangin mi pahnih boral
Gujarat-a Vadodara khawpuiah Indian Oil Corporation Limited (IOCL) in oil an thlitfimna hmun chu thawhtanni tlai lam khan kangin, mi pahnihin nunna an chan tawh.
Police te sawi danin he oil thlitfimna hmun kang avang hian hliam na tak tuar pakhat enkawl mek a ni bawk a, oil phur motor pakhata an dah luh laia kangmei hi chhuak tan niin, a bul hnaia oil phur motor pahnih ding a man kai nghal avangin kangmei hi a chhuak nasa zual a ni.
Kangmei chhuak avanga nunna chante hi Dhimant Makwana leh Shailesh Makwana an nih thu tihchian a ni tawh a, IOC official pakhat chuan hliam tuarin private damdawi inah enkawl mek a ni bawk.
Kangthelh pawlte thleng nghalin hmundang a kang kai zel tur chu thelh theih a nih thu thuneitute chuan an sawi a, nimin khan kangmei thlenna hnuhmate hi enfel leh senghawi an nei zui nghal bawk a ni.
IOCL thuchhuahin a tarlan danin he oil thlitfimna hmun kang avang hian oil thlitfimsa dahna tanker 1000 KL leng chu hman tlak lohin a awm a, a dang a kangkai zel tur erawh ven hman a nih thu an sawi.
Oil thlitfimna kang vangin mi pahnih boral
Get real time updates directly on you device, subscribe now.