UN in Gaza indonaah hmeichhia leh naupang 70% thi tawhin sawi

UN in Gaza indonaah hmeichhia leh naupang 70% thi tawhin sawi
UN-a human rights office chuan Gaza indona avangin civil mi pawisawi lo tam tak an thi tawh niin a sawi a, tunhnai thla ruk chhung ringawt pawhin thi zinga 70% chu hmeichhia leh naupang an nih thu a sawi.
Human rights agency chuan hei hi a chhan ber chu Israel in mipui tamna hmun leh hmun zau tak nghawng thei ralthuam nena a beih thin vang niin a sawi a, thenkhat erawh chu Palestinian ralthuam keng pawlte thiltih dik lo vang pawh a nih tho avangin thi pawh hi an tam phah niin a sawi a ni.
Israel hian Hamas a beih thu hi chiang takin sawi thin mah se, civil mite tana hlauhawm a nih leh nih loh erawh a finfiah thin bakah, warning pawh a pe lawk thin niin an sawi ve thung a, UN chuan hei hi a pawm vek lo thung.
UN agency chuan November 2023 atanga April 2024 thleng khan Gaza-ah hian mi 8,119 thite chu an finfiah tawh thu an sawi a, an zirchian atang chuan heng zing 44% vel chu naupang niin, 26% chu hmeichhia an nih thu an sawi. Naupang nunna chan zingah hian kum nga atanga kum kaw inkar an tam hle niin a sawi bawk.