Olivia Rodrigo-i’n Philippines-a a concert ticket hralhna charity-ah pe

Olivia Rodrigo chuan ‘GUTS’ World Tour a neih mekah Philippines thlengin, a vawi khat nan Inrinni kalta khan Philippines-ah hian a concert a, a concert vawi khatna a ticket hralhna atanga hlawkna awm zawng zawng chu hmeichhia te hriselna lama thawktu te hnenah a hlan nghal vek.
Rodrigo ian Bocaue a Philippine Arena-a show a neih zawh hnuah Jhpiego nena an thawhho thu Instagram-ah puangin, “He show kan neih tur hi ka lo suangtuah ve reng thin kha a ni, Philippines-a ka vawi khatna a nih bakah ka sow neih tawhna hmun lian ber a ni bawk. Manila mipui ten thilphal taka min lo lawm avangin ka lawm a, min duhsak tih ka hria a ni,” a ti.
Filipina thisen kai Rodrigo chuan, “Ka lawm zia entir nan nizan ticket hralhna atanga hlawkna awm zawng zawng cu @jhpiego-ah ka fund 4 good kal tlangin ka thawh tih ka puang nghal e. Manila ka awm chhungin an pawl hi ka tlawh tawh a, Pilippines-a hmeichhia te hriselna atana an hnathawh ten min hneh hle a ni. Show special tak leh awmze nei tak a ni. Ka lawm tih hian a sawifiah zo lo ve,” a ti bawk.
Rodrigo hian Jhpiego office a tlawhnaa an thlalak te pawh a post tel a, hmeichhe rual khat nena dawhkan an kilho lai te pawh a tel, Philippine Arena-a a concert-naah ‘Miss So Filipina’ tih sash nena thla a lak pawh a dah tel.
Rodrigo hian Fund 4 Good a din kaltlangin hmeichhia dinhmun harsa zawk te tanpuina kawngah a thawk nasa tawh le a, hmeichhia kum lama naupang zawk ten zirna tha an dawn theih nan te, hriselna kawnga hma an sawn theih nan te leh hmeichhe dinhmun chhe zawk te dawmkan kawnga thawktu te hnenah pawh sum a thawh nual tawh a ni.