Lady Gaga leh Celine Dion te chu tunkar tir khan Paris-ah an thlawk lut ve ve a, 2024 Olympics neihna hmun tur a ni a, July ni 26-ah opening ceremony an neih dawn bawk avangin anni panhnih hi an perform dawn a nih a rinawm thu issue hmasa lamah kan rawn tarlang tawh a, tunah chuan a chiang ta e. Lady Gaga leh Celine Dion te 2024 Paris Olympics opening ceremony-ah an perform dawn tih a chiang tawh a, anni bakah hian Dua Lipa, Ariana Grande le French singer Aya Nakamura te pawh perform tura sawi an ni a, mahse, anni pathum hi chu confirm a la ni lo.
Gaga leh Dion te hian Édith Piaf’s classic “La Vie en Rose” an duet dawn niin TMZ chuan an tarlang a, mahse, an hla sak tur hi chu confirm a la na ni lonain hetianga sawi a awm tawh hi chuan a ni tak tak duh khawp mai.
Celine Dion, kum 56, hian nerve lam natna Stiff Person Syndrome a nei tih 2022 a a puan hnuah tun hi mipui hmaa stage-a a perform lehna hmasa ber tur a ni a, 1996 Atlanta Olympics opening ceremony-ah a lo perform tawh a, tun hi Olympics opening ceremony-a a perform vawi hnihna tur niin, hetiang tawng thei zaithiam awmchhun a la ni.
Olympics opening ceremony-ah Lady Gaga leh Celine Dion perform dawn
Get real time updates directly on you device, subscribe now.
Next Post