RemPhal’Ly theatre-ah Deadpool & Wolverine

Hollywood movie thar Deadpool and Wolverine chu July ni 26-ah cinema hall-ah an chhuah tan dawn a, Aizawl-ah pawh RemPham’Ly theatre-ah a en theih nghal dawn a, RemPham’Ly-ah hian kar khat chhungin show vawi 40 a awm dawn a, show 16 a soldout nghal a, theatre an hawn hnua sales record an lo siam siam tawh zawng zawng a rawn khum nghal vek a ni.
Deadpool & Wolverine hi 2024 American superhero film thar a ni a, Marvel Comics bu denchhena siam a ni. He film hi Marvel Studios, Maximum Effort leh 21 Laps Entertainment ten an produced a, Walt Disney Studios Motion Pictures-in a thehdarh hna an thawk ve thung.
Dead & Wolverine hi Marvel Cinematic Universe film 34-na niin, Deadpool 2016 leh Deadpool 2018 chhunzawm zelna a ni. He film-ah hian Ryan Reynolds (Deadpool) leh Hugh Jackman (Wolverine) an inlan dawn bakah actor lar tak tak an tel ve bawk. He film-ah hian Time Variance Authority (TVA) chuanin Deadpool leh Wolverine chu mission an pe a, anni hian MCU history zawng zawng an thlak vek dawn. Kum 6 hnua Deadpool 2 events thlen hnuah Wade Wilson chu Deadpool a nihna atangin a chawl tawh a, amaherawhchu, Time Variance Authority (TVA), bureaucratic organization lian tak chuan mission an pe a, hemi mission-ah hian a hmain timeline a khawih chhiat tawh siamtha turin thu an pe a, a zinkawng thui takah hian Wolverine nen an intawng dawn a ni.
He film chhuak thar hi Marvel film-ah chuan hit ber tura ngaih a ni a, MCU fans tan phei chuan en ngei ngei chi, MCU timeline zawng zawng leh film lo chhuah lehzel dan tur a siam rem vek avangin a hit dawn a ni tawp mai.