To
Pu VL Krosshnenzova
General Secretary
MNF Party
Ka pu,
Tunlai hian MNF Party kaihhhruai sawrkar-in kum 2018 inthlan dawna an intiamna an tih hlawhtlinte, Mizoram-a sawrkar project hrang hrang thawhteah sum engzat nge dah a nih? Engtia thawh tur nge? Tunge a thawktu? tih mipui hriata puanchhuah aiin ZPM Legislature Party MLA beih chu hnapui berah i nei a, i rilru leh i hun pawh a luah hneh viauvin a rinawm. Veng tina Local Committee on SEDP member-te min puanchhuah sak la, MNF sawrkarna Local Council-ah Local Committee on SEDP-ah MNF ticket-a thlan tlin Local Council member-te member an nih dan te, ZPM sawrkarna Local Council-ah ZPM ticket-a thlan tlin LC member-te telh an ni ve miah lote hi MNF Party Dan hmanga ruahman em ni? tihte ka rawn zawt a che. ZPM LP MLA beiha tlin ai chuan dik taka ram hmasawnna in thawhte a awm chuan han puang chhuak la, MNF Party tan kum tawpa inthlanpui neihna turah tlin a awl zawk awm mang e? tih hi kei leh Zoram mipui Thahnem tak ngaihdan a ni furin a rinawm.
Dr. Vanlalthlana, Aizawl North-II MLA-in a bial chhung Local Council-ah sum pek tawk loh thu i rawn auchhuahpui a. MLA LADS hman dan turah hian Local Council pek tur tih khawiah mah a inziak lo. Aizawl North-II huam chhunga Local Council-te hi an sawi dan takin MNF Ruling-na a ni a, chuti chungin i beih MLA hian vengkhat Local Council-ah chuan an mamawh vangin computer a pe zawk a ni. Aizawl North-II-ah Bilatu MLA Chairman-na hnuaiah MLA Fund, an veng mamawha hmanna tur rel turin Local Development Committee din a ni a, he Committee-ah hian Local Council member-te an tel vek. Hetah hian Local Council member te’n vengchhungin an mamawhte sawiin a theih theih tihhlawhtlin a ni Thin. Heti chunga Local Council sum pe tawk lo tia i lo vuipuinaah hian tunlai MNF worker-te’n hlawk taka contract an thawk ang hian thawk ve se tia i duhsakna em ni? Mizoram Assembly session-ah MLA zawhna chhangin in Minister chhuanvawr khan LC/VC hminga worker te’n hna an thawh thu a sawi a ni lo’m ni?
A Dan leh dun zawnga i chhui duh a nih chuan veng tina Local Council-te hi Aizawl Municipal Corporation hnuaiah an awm vek a, a enkawltu pawh AMC a ni. An lawmman leh an sum hman tur pawh AMC aTang hian pek an ni. Aizawl North-II huam chhunga Local Council-te hi suma rep char ni-a i hriat chuan MNF Party-a |awi Biala i khingpui ni-a an sawi, Pu Lalrinenga, AMC Mayor hi lo zawt chiang ta che. Engtin nge AMC sum hi hman a nih? AMC sum aTangin kawng laihte a nei em? AMC building cheiThat nan engzat nge a hman tawh? Property Tax return hi engtia thehthang nge a nih? AMC aTangin tender chhuah lovin contract tenau engzat nge pekchhuah a nih? Tute nge a thawktu? tihte leh, kum 2015-2020 chhung khan AMC-in mipuia Property Tax a khawn, kum khat bo thlau a awm em? tihte lo zawt chiang zawk ta che.
Chu mai bakah Kamrula-te, Zoramchhanate contract hmuh dan leh an hnathawhte mipuiah min puanchhuahsak la, Lengpui Airport chimah a mawhphurtu chhuichhuah leh hrem an awm ta em? Mau leh chhehvela cheng nuai 3000 chuang sorkar sum kan sen tawhna hi engtiang taka hlawhtling nge? Sum engzat nge hmuhchhuah a nih tawh? tihte tal hi mipuiin hriat kan duh a, MSSC hnuaia sum bo ni-a hriat hi a nih dan chiang tak mipuiin hriat kan duh bawk e.
A tawp ber atan chuan, Special Assistance to State for Capital Investment/Expenditure hmanga Central-a Mizoram sawrkarin sum a puk, kum 50 chhung rulh tur mipui leiba hi tunlai hian MNF worker-te leh MNF local Council member-te’n an Party sum ang maiin an hmang a, hna an thawk suau suau a. MNF sawrkarna Local Council hi sum lamah an mawm viauvin a rinawm, Opposition MLA LADS lehzel i lo itpui a nih chuan duhamna lian tak a ni zawk awm mang nge? Pu Zoramthanga, Chief Minister-in MNF candidate-te SEDP leh SASCI sum hmangin cheng nuai 300-in bial an vil tur thu a lo sawi tawh bawk a. He mipui leiba kum 50 chhung rulh tur hman a nih dan hi keini chuan mut mawh, hnar mawhah kan lo nei a. Kumin kum tawp inthlanpuiah MNF sawrkar tawh lo hram se kan tihna lian tak pawh a ni. Chuvang chuan SASCI sum hmang hian eng hnate nge thawh a nih a, engtia thawh tur nge? tute nge thawktu? tih tal hi mipuiah thil puanzar i uar bawk a, min lo puanzar sak ta che.
Hmasawnna ni lova sum hmanga tlin tumna hian kan tu leh fate hmakhua hi ‘Thim thuah hnihah’ a chantir ang tih ka hlau hle a ni.
-- Advertisement --
I rintlak
J.Lalramnghaka
Bethlehem Vengthlang
email: tochhawngjeru@gmail.com