Opium thar chhuak hnem ber Myanmar

Myanmar chu khawvela opium tharchhuak hnem ber niin Afghanistan a khum tawh tiin UN report chuan a tarlang.
Kumin hian Myanmar-in opium a tharchhuah chu 36% a tipungin 1,080 tonnes vel tharchhuak anga ngaih niin opium hi heroin siam nana pawimawh ber a ni.
Opium tharchhuah punna chhan hi ram chhung buaina vang niin hei mai bakah nikuma Taliban tena Afghanistan-a poppy cultivation an khap avanga 95% lawiha tharchhuah a tlem zui vang tia sawi a ni a. Kumin hian Afghanistan chuan opium 330 tonnes vel a tharchhuak anga ngaih a ni.
United Nations Office for Drugs and Crime (UNODC) chuan Myanmar economy chu kum 2021 a sipai tena thuneihna an chan hnuah a buai hle tiin an sawi bawk a.
“Economic opportunity tlem lutuk te, market leh state infrastructure lama harsatna awm te, inflatoon sang leh moneytary depreciation tena economy dinhmun a tichhe zel te chuan opium leh ruihhlo dang te chu mi tam tak ten intun nun nan an hmang a ni,” tiin UNODC chuan a sawi a.
“Myanmar bikah heng thil hrang hrangte avang hian loneituten kum 2022 tawp lam atang khan poppy chin an uar phah a ni,” tiin report chuan a tarlang bawk.
Fresh leh dry opium man chu kilogram hath $ 317 eh $ 356 vel a ni bawk a.
Kum 2023 chhungin Myanmar a poppy cultivation zau zawng chu 47,000 ha (116,140 acres) vel niin nikum aiin 18% in a pung tih a ni bawk.
Helai region Myanmar ramri hnaih Thailand leh Laos te huam hian Golden triangle tih niin tun hma atang tawha opium leh heroin siamchhuah leh tharchhuahna hmunpui ni reng a ni bawk.
Myanmar leh Afghanistan chu khawvel hmun tina heroin hralha source lian ber an ni bawk.