Opposition ten No-Trust Motion Speaker hnenah pulut fel ta

Lok Sabha Speaker Om Birla chuan Opposition tena Manipur buaina kaihhnawiha Narendra Modi sorkar laka no-confidence motion an putluh chu a pawm fel a. He mi chungchang sawihona tur hun a ruahman tur thu leh a hnuah sawihona tur hun ruat a nih tur thu a sawi.
Lok Sabha-a Congress Deputy leader Gaurav Gogoi chuan July 36 khan Modi sorkar lakah no-confidence a kalpui tiin Lower House a party leader Adhir Ranjan Chowdhury chuan a sawi.
Congress te hian no-trust motion hi Lok Sabha table office ah zinglam dar 9:20 ah an thehlut a. Lok Sabha-ah hian monsoon session neih mekah working days ni 13 chauh a awm tawh a, kalphung ang chuan Speaker chuan no-confidence kalpui tur hian ni 10 vel chhungin a tifel tura ngaih a ni.
Chowdhury chuan Gogoi chu Northeast atanga Lok Sabha member a nih angin Manipur a remna leh muanna a awm theih nana a sorkar in eng nge a tih Prime Minister hnen atangin a ngaithla duh a ni a ti a.
“Manipur-in nasa takin a tuar mek a, ni tam tak chhung Prime Minister hnen atangin thuchhuah kan chang tawh a ni,” tiin Chowdhury chuana sawi a.
Congress te chuan three-line whip tichhualin Lok Sabha member tin te chu parliamentary meeting a tel vek turin an ti zui bawk a.
INDIA bloc hnuaia party 26 floor leader tinte chuan Congress president leh Rajya Sabha a Leader of Opposition Mallikarjun Kharge chu an hmu bawk a. No-trust motion kalpui tur hian leh House ina pawm theih nan member 50 talin an thlawp a ngai a ni.