Oscar presenter tur an puang

Oscar presenter tur an puang
Lemchan lama chawimawina sang bera khawvelin a ngaih Oscar award chu an rama March ni 10 (keini tan ni 11 a hman tawh ang) hian Dolby Theatre, Ovation Hollywood-ah an sem leh dawn ta a, award presenter tura an puan tawh te chu Mahershala Ali, Nicolas Cage, Jamie Lee Curtis, Brendan Fraser, Jessica Lange, Matthew McConaughey, Lupita Nyong’o, Al Pacino, Michelle Pfeiffer, Ke Huy Quan, Sam Rockwell, Michelle Yeoh leh Zendaya te an ni.
Award presenter tura puan tawh zingah Michelle Pfeiffer leh Zendaya te chiah hi Oscar la dawng lo awm chhun an ni a, Pfeiffer hian nominaton vawi thum nei tawhin award a la dawng lo.
Brendan Fraser hi nikum Oscar-a The Whale avanga best actor dawngtu kha niin, Michelle Yeoh pawh hi Everything Everychere All at Once avanga nikuma best actress dawngtu kha a ni a, Jamie Lee Curtis leh Ke Huy Quan te pawh EEAAO avanga nikuma best supporting actress leh actor dawngtu an ni bawk.
Kumin Oscar hi a vawi 96-na tur a ni tawh a, Jimmy Kimmel-a’n a host dawn a, ani hian he award show hi tum li a host-na tur a ni dawn tawh a, Raj Kapoor, Molly McNearney leh Katy Mullan te chu show executive producer tur an ni.