Oscar presenter tur Ariana Grande

Oscar presenter tur Ariana Grande
An rama March ni 10 (keini tan March ni 11 a ni hman tawh ang) zana sem tur 2024 Oscar a award hlantu tur an puan belh zel a, an puan thar zingah Ariana Grande, Ryan Gosling leh Melissa McCarthy te an tel a, Gosling phei hi chuan Barbie film hla ‘I’m Just Ken’ a perform dawn a, best supporting actor-ah nominee a ni bawk.
Oscar presenter an puan tharah hian Emily Blunt, Cynthia Erivo, America Ferrera, Sally Field, Ben Kingsley, Issa Rae, Tim Robbins, Steven Spielberg, Mary Steenburgen, Anya Taylor-Joy, Charlize Theron, Christoph Waltz leh Forest Whitaker te pawh an tel a, presenter tur an lo puan tawh zingah Bda Bunny, Zendaya, Mahershala Ali, Nicolas Cage, Jamie Lee Curtis, Brendan Fraser, Chris Hemsworth, Dwayne Johnson, Michael Keaton, Regina King, Jessica Lange, Jennifer Lawrence, Matthew McConaughey, Kate McKinnon, Rita Moreno, John Mulaney, Lupita Nyong’o, Catherine O’Hara, Al Pacino, Michelle Pfeiffer, Ke Huy Quan, Sam Rockwell, Octavia Spencer, Michelle Yeoh leh Ramy Youssef te an tel bawk.
Kumin hian presentation tactic kum 15 kaltaa an lo hman tawh chu an hman thar leh dawn a, acting category pali bikah award lo dawng tawh panga zelin kumin a heng acting category-a nominee te pualin hun an hman zel ang a, kumina award dawngtu lawmpuina an nei nghal zel dawn bawk a, hei vang hian presenter-ah pawh hming a intlar hnem ta deuh a ni.
Kumin Oscar hi a vawi 96-na tur a ni tawh a, Jimmy Kimmel-a’n a host dawn a, Dolby Theatre, Ovation Hollywood-ah an sem dawn a ni.