Uttar Pradesh police te chuan Muzaffarnagar a Kanwar route a thil eina tin te chuan a neitu hming langsar takin an tarlang tur a ni an tih chuan Opposition te sawisel hlawk nghalin South Africa a ‘apartheid’ leh Hitler a hunlaia Germany policy nen an tehkhin a. Kanwar Yatra hi Lord SHiva zuitu tena kumtina biakzinna an neih thin niin July 22 ah tan a ni ang.
Muzaffarnagar Police te chuan Yatra neihna tur kawng tluana ei leh in tihna hmun te chuan a neitu hming an tarlang ngei ngei tur tiin chu chu thil fel zawk nana an tih a ni an ti.
“Kanwar yatra atan inpuahchahna kalpui mek a ni a. Kan jurisdiction chhung 240km vel huamchhunga eateries, hotels, dhabas leh thelas (roadside cart) te chuan a dawr neitu hming an tarlang vek tur a ni. Hei hi kanwariyas te an buailoh nana tih a ni a, dan leh hrai lekkawhna tha zawk kalpui nana tih a ni. Mitinin duhthlan theihna an nei vek” tiin Abhishek Singh, Senior Superintendent of Police, Muzaffarnagar chuan a sawi.
AIMIM chief Asaduddin Owaisi chuan thu pek hian a tum ber chu Kanwariya tumahin Muslim te dawr atangin thil an lei tur a ni lo tihna a ni tiin a sawi nghal a.
“Uttar Pradesh police te thupek ang chuan dawr neitu tin ten an hming an tarlang vek tur a ni a, tichuan Kanwadia pakhatmahin tihpalh thilin Muslim an dawr a ngai dawn lo a ni. Hei hi South Africa a Apartheid leh Hitler a hunlai Germany a ‘Judenboycott’ an tih ang kha a ni” tiin Owaisi chuan a sawi.
Apartheid kha International Criminal Court hnuaia Rome Sttaute chuan crime against humanity a tih niin ‘dan tlawhchhana vunrawng hmanga inthliarhranna’ tih a ni a, grou pakhat te political leh civil rights chhuhsakna a ni.
Judenboycott tih erawh Nazi hunlaia kalpui niin April 1933 atangin Jewish sumdawng te dawr loh tur tia boycott na a ni thung.
Owaisi an Modi sorkar hlawhchham ti
Get real time updates directly on you device, subscribe now.
Prev Post
Next Post