Owaisi-an Modi sorkar hlawhchham ti

Jammu and Kashmir a Doda a sipai pali in nunna an channaah AIMIM chief Asaduddin Owaisi chuan Prime Minister Narendra Modi kaihhruai Centre chu nataka beiin NDA sorkar chuan firfiakna thununna kawngah ‘an hlawhchham’ Thak tiin a sawi.
Hei bakah hian Owaisi chuan Maharashtra a mosque te chuan beih an tawk ti bawkin Chief Minister Eknath Shinde chuan engmah tih nei lovin thlirtuah a Tang zawk tiin a dem thu a sawi bawk.
July 15 tlai lam khan Doda district-a armed terrorist leh Army personnel te inkahnaah sipai pali in nunna an chan a, nunna chân zingah hian officer pawh telin Hyderabad MP chuan thil thleng chu a dem takzet thu sawiin Modi sorkar mawhphurhna liau liau a ni a ti bawk a.
“Modi sorkar hlawhchhamna liau liau a ni, firfiakna an thunun thei lo” tiin Owaisi chuan a sawi.
Hei bakah hian Modi thusawi ‘hum ghar mein ghus ke marenge’ (firfiakte luhchhuahin kan kan nuai bo ang) tia Lok Sabha election campaign laia a sawi chu sawi chhuak bawkin, ‘Eng nge thleng mek ta zel?’ tiin zawhna a siam bawk a.
“Doda terror incident hi kan dem em em a, Modi sorkar hlawhchhamna dik tak a ni. Doda a thil thleng hi, helai hmun hi LoC aTangin a hla lutuk, engtiangin nge firfiak te hetianga thui an lo luh theiha kan sipai te nena inkapa sipai pali in nunna an chanphah thlen theihna chhan” tiin a sawi bawk a.
“Thil pawi tak a ni a, he thil thleng hian Narendra Modi sorkar laktlaklohna a hril chiang hle a ni” tiin Owaisi chuan a sawi bawk.
Jammu region a terror attacks dang thleng chungchang pawh sawiin AIMIM chief chuan kum 2021 chhung khan helai region-ah hian terrorist attacks Tum 31 chuang a thleng a ni, tiin a sawi bawk a.
Security personnel 48-in nunna an chanphah a, hei hian information-sharing system awm lohzia leh locals te a bik takin Thalaite nena inhnimhnaihna awm loh zia a pholang a ni a ti bawk a.
Owaisi chuan PM Modi-an Jammu and Kashmir-a Article 370 nuai bo a nih hnuah firfiaka chetlaka a tlahniam a tihah zawhna a neih thu a sawi bawk a.
“China-in sulhnu a nei a, he sorkar hian sumdawnna dollar billion tel kalpui mek a nih avangin China hming a lam ngam lo” tiin Owaisi chuan a sawi bawk.