Jairam Ramesh-an BJP IT Cell head Malviya ban turin JP Nadda ngen
Congress te chuan Bharatiya Janata Party (BJP) President J. P. Nadda chu an party IT Cell Head Amit Malviya chuan Prime Ministers hlui Indira Gandhi leh Rajiv Gandhi te chungchang a sawi kaihhnawihah a nihna aTanga paih turin an ngen.
“BJP leadership te Prime Minister pawh telin Malviya thusawi demawm tak chu an pawm tur a ni lo. BJP te hian kan ram history leh leaders te an zah takzet a nih chuan Malviya hi a nihna chelh aTanga chawlhtirin India mipuite hnenah ngaihdam dil rawh se” tiin Congress MP Jairam Ramesh chuan BJP President JP Nadda hnenah lehkha a thawn.
A hmain Amit Malviya chuan Republican US Presidential candidate Donald Trump thah tuma beihna chungchang news debate neihnaah Prime Minister Indira leh Rajiv Gandhi te kha ‘politics thila thutlukna an siam’ avanga thah an ni a ti a. “Congress te hian an hruaitute thah an ni tih an sawi hmain ka hrilh hriat nawn duh chu politics a thutlukna an siam kaihhnawih avanga tualthi an ni” tiin Malviya chuan a sawi a ni.
Jairam Ramesh chuan Malviya thusawi chu awm ang lo tak a nih mai piah lamah historical events a thil duhawm lo lutukte tun huna politics a hamThat nana lak tumna a ni a ti a.
“Khatiang thusawi khan kan hruaitu ropui tak tak te memory zahlohna a nih mai piah lamah he ram politics kalzel turah thil duhawmlo leh demawm tak thlentu hmahruai a ni thei” tiin Congress MP chuan a sawi a. BJP te hian India history ‘ziahThat’ leh ‘zahlohna’ an kalpui mek zelah Prime Minister India leh Rajiv tena ram tana an hnathawh te hrilh hriat nawn an ngai a ni a ti bawk a.
“Iron Lady tia hriatlar Indira Gandhi khan hun harsa karah nation integrity nghet takin a kalpui thei a, Rajiv Gandhi khan IT revolution a thlen a, region hrang hranga helna te titawpin remna leh muanna a thlen a ni” tiin Ramesh chuan a sawi.
Heng hruaitute thah an ni kha he ram history a chapter thim ber niin an ropuina te sawi nawi tumna chu thil pawmtheihloh leh dodal tlat tur a ni a ti bawk a.
“Mahatama Gandhi, global symbol of peace leh father of the nation kha huatna leh inThendarhna ideology kalpuia pawl indin te leh tuna BJP te philosophical guide in a tihhlum a ni. Chutihlaiin Congress te chu din a nih aTang phatin principle of truth and non-violence chawinungtu a ni thung” tiin Jairam Ramesh chuan a ziak bawk.