Padma Shri dawng turin R Lalrawna

Padma Shri dawng turin R Lalrawna
Padma Shri chawimawina dawng turin Mizo writer R Lalrawna thlan a ni.
India sorkar hnuaia ministry of home affairs-in Republic Day pualin Inrinni zan khan Padma chawimawina dawng tura thlante hming an puang a, Padma Vibhusan dawng tur mi pasarih, Padma Bhusan dawng tur mi 17, Padma Shri dawng tur mi 113 an puan zingah R Lalrawna hi a tel a ni.
R Lalrawna hi writer lar a nih bakah thu leh hla tihhmasawnna lama thawh hlawk a ni a, Mizo literature hmasawnna tur leh a vawn that kawnga mi tangkai niin, adult education lam thawh hlawk a ni bawk. Padma Shri hi Literature & Education huangah a dawng dawn ang.
Padma chawimawina dawng tura thlante hnenah hian March leh April velah hlan tur a ni ang.