Pakistan in venhimna hnuaiah zenghri danna pek kalpui leh tan

Pakistan in venhimna hnuaiah
zenghri danna pek kalpui leh tan
Pakistan chuan an ramchhung buaina hrang hrang karah thawhtanni atang khan rampumah zenghri danna pek an kalpui leh tan a, naupang kum 5 hnuai lam maktaduai 45 te hnena pek tum a nih thu an sawi.
Pakistan hian ramchhung buaina hrang hrang an neih avangin zenghri danna pek hi an khailak ren rawn phawt a, intin luhchhuaha pek tura tih an nih angin thawktute chuan sipai venhimna hnuaiah hri danna pek hi an kalpui leh tan a ni.
Kumin atana a thawh thumna he hri danna pek hian pathianni thleng hi a awh leh rih phawt tur thu sorkar thuchhuah chuan tarlangin, hemi chhung hian zenghri danna a tam thei ang ber pek hman tum a nih thu an sawi a, pek kim hman loh naupang kum 5 hnuai lamte chu a rang thei ang bera pek hna chhunzawm thuai a nih tur thu an sawi bawk.
Pakistan leh Afghanistan ram hi khawvela zenghri hluar nasatna leh a vei tamna hmun niin, khawvelin umbo a tum mek lai a nih bawk avangin Pakistan sorkar pawh hian theihtawp an chhuah ve reng thu an sawi.