Pakistan mi, Bangladesh mi nupuia nei India-ah man

Pakistan khua leh tui nei, India rama phalna nei lo awm pakhat chu Bengaluru a Jigani, Anekal ah man a ni.
Police te sawi danin, he an mi man pa hian India a awm thei tura phalna engmah a nei lo a, Pakistan khua leh tui dik tak niin, a nupui nena khawsa an ni a, a nupui hi Bangladesh mi a ni ve thung. An pahnih hian a nupuia nu leh pa an khawsakpui bawk a ni.
An pali hian India ram hmun hrang hrangah kum sawm chuang awm tawhin, tuna an manna hmunah hian nikum khan awm tanin, Jigani hmunah tho hian restaurant te an siam niin police te chuan an sawi bawk.
A nupui leh a chhungte hi Bangaladesh khawpui Dhaka a awm thin an ni a, khawi hmuna innei nge an nih erawh an hre rih lo thung.
Police hotute chuan, Pakistan mi an man hian document lem hrang hrang a neih thu an sawi a, India khua leh tui nihna pakhat mah a nei lo tiin, sorkar duh lo thil a khawih tel em tih an chhuizui tel mek thu an sawi a, an chenna leh an hnathawhna hmun thlenga an endik mek thu an sawi bawk.