Pakistan Interior Minister Rana Sanaullah chuan anti-government protest Imran Khan-an a kalpui leh a nih chuan man a ni ang tia sawiin Pakistan Tehreek-e-Insaf (PTI) chief chu ‘lungawilohna politics’ a inhnimah a puh bawk a.
A hma lawkin Imran Khan chuan party workers te chu federal sorkar laka lungawilohna kalpuia ‘Jail Bharo Tehreek’ (fill the prison movement) kalpui tura ngenin inthlan that a ngiat bawk.
-- Advertisement --
“Mipuite hian ‘Jail Bharo Tehreek’ (fill the prison movement) min thlawp turin ka ngen a. Kan zavai chuan Pakistan jail ah kan leng hauh lovang,” tiin kum 70-a upa Imran Khan chuan a sawi.
Khan hian a hma lawkin party Senior Vice-President Fawad Chaudhry National Assembly member hlui Shandana Gulzar lakah sedition case a file bawk a. Pathianni khan Sanaullah chua Imran khan chu ‘buaina siamtu’ tiin a sawi a.
“Kum 2014 khan PTI te chuan hmasawnna leh hnianghnarna zinkawng zawh tur an titawp a ni. Imran Khan hian lungawilohna politics kalpuiin hma a la a ni,” tiin Sanaullah chuan a sawi.
Jhail Bharo movement chungchangah interior minister chuan Khan chu ‘man ka nih laia death cell a min dahnaah khan awm ve rawh se’ tiin a sawi bawk.
Minister chuan federal sorkar chuan Imran Khan-an lungawilohna lantirna a kalpui leh zui a nih ngat chuan an man tur thu a sawi bawk.
Minister hlui Farrukh Habib chuan PTI workers leh leaders te chuan Khan-an federal sorkar laka lungawilohna kalpui tur a tih hun changin an nghak thap tiin a sawi a.
“Party leadership leh workers te chuan Imran Khan-an min ko a nih chuan jail tan kan hreh lo. Ka tang hmasa ber ang,” tiin a sawi bawk.
Nikum November thla khan Khan chuan Islamabad pana long march a neih chu amah thah tuma beih a tawh avangin a chawlhsan phah hial a ni.
Khan hian kum 2018 khan thuneihna changin Pakistan Prime Minister zinga Parliament a no-confidence vote hmanga paih hmasak ber a ni bawk.