Chinese surveillance balloon US coast-a kahthlak tak chu 200 ft (60m) laia sang niin thlawhnain a phurh theih khawpa tam thil a phur thei tiin official te chuan an sawi.
-- Advertisement --
US defence officials te chuan he balloon hi tuipui a thlen hma lei chung zawna a thlawh laia an kahthlak duhlohna chhan chu a len tham em vang a nih thu an sawi a.
“Pound sang tam taka rit keng tel thei thil lian tak van atanga kahthlak ngawt khan harsatna a thlen kan hlau a ni,” tiin Gen Glen VanHerck chuan a sawi a.
US chuan South Carolina coast ah balloon kehthem te hi a chhar khawm mek a.
He balloon hi US chuan spy balloon ni ngeiin an ngai a, China erawh chuan weather monitoring device ti ve thungin tuipuiah a keh them hi 1,500m huam chhungah zawnkhawm mek a ni.
US chuan fighter jet balloon thlithlai tur hian a tir nual a, mahse a kapthlatu tak hi chu US Air Force F-22 a ni thung.
“Balloon kehthem te hi chhar khawm a ni tawh a, mahse, khawchin a that loh avangin duh anga chaka lakkhawm a la ni lo,” tiin National Security Council thupuangtu John Kirby chuan a sawi.
US intelligence te chuan hun rei lo te hnuah tuipui mawngah luhchilhin balloon chu zirchianna mumal zawkin an nei thei dawn a ni. US chuan balloon kehthem te China hnenah pek let a tum loh thu leh a zirchian tur thu a sawi bawk.
Specialist thahnem tak tirh luh nghal niin chung zingah chuan oceanographic survey ship sonar hmang te pawh a tel niin Gen VanHerck, US military’s Northern Command leh joint US-Canadian North American Aerospace Command, Norad chuan a sawi.
Balloon chu feet za chuang fe a sang a nih thu sawiin ralthuam leh hmanrua keng tel teuh thei ti bawkin regional airliner tia zet a ti bawk.
Gen VanHerck chuan US chuan a kehthemah chuan meterial hlauhawm a awm em heng explosive battery te emaw a awm em tih chu an zirchian mek thu a sawi bawk.
Republican te chuan US President Joe Biden chu a mawhphurhna ngaihthahah puhin balloon-in US ram zau tak a fang hman chu an sawisel nasa hle a.
He balloon kahthlak hian US leh China te inkarah khi nasa zawk siam belh bawkin Secretary of State Antony Blinken an Beijing tlawh a tum chu a thulh phah bawk.
China chuan balloon chungchangah US chu aloa luakchhuaka chetlaah puhin a chet dan chuan international law a kalh a ni a ti a. US chuan balloon chu sensitive military hmun te monitor tumah a ngai ve thung.
US Joint Chiefs of Staff, Mike Mullen chuan China thu sawi chu pawm lovin he balloon hian propeller a nei thlap a, kal peng satliah a ni lo, a ti a. “Accident thila US lut a ni lo va, tihluihna leh tum reng vang niin intellience thil a ni,” tiin a sawi bawk.