Palestina tantu sing chuang pungkhawm

London khawpui lailiah Palestina tantu mi sing chuangte pungkhawmin, Gaza buaina chungchangte, Middle East a buaina thlengte chu tihtawp an duh thu an aupui.
Heng mi sing chuangte hian Russell Square atanga kawng zawhin, Downing Street thleng an kal a. Hetah hian Palestina ram flag kengin, an aurual nasa hle.
Police te chuan he thil avang hian kal filawr zual mi 17 an man thu an sawi a, chi leh chi inkara buaina chhuak zui thei a nih avangin venhimna an uluk hle thu an sawi bawk.
Heng kalkhawmte hian inrem taka awm an duh thu an aupui nasa hle a, Israel leh Palestina-ah tan bik nei lova chinfel hna thawh an duh thute, middle east lam buaina hrang hrangah tan bik neih an duh lohziate an aupui nasa hle.
Police leh thuneitute sawi danin, vawiin hian kum khat hnua a vawikhat nan Israel nen an buaina chungchangah remna thukhawm lian ber an huaihawt leh dawn a ni.