Parliament-ah neutral ang – ZPM PAC

Mizoram Lok Sabha MP chu Parliament-ah tan lam bik nei loin neutral a ni dawn tih ZPM party chuan an sawi nawn.
ZPM Gen. Hqrs Political Affairs Committee (PAC) thuchhuak chuan, MP inthlan campaign laia an lo sawi tawh angin, Mizoram MP chuan Parliament-ah zawm bik a nei dawn loa, neutral a ni ang. A thu azir zel (issue based) in a kal dawn a, ram tana tha ber tur ngaihtuahin party thutlukna ang zelin a kal dawn tih a resolution a pawm.
Lok Sabha MP inthlan neih zawk taka ZPM official candidate Richard Vanlalhmangaiha, Pathian leh mipui zarah hnehna sang tak changa thlantlin a ni chu Pathian leh Zoram mipui chungah ZPM Gen. Hqrs chuan lawmthu a sawi tih a puang bawk.