Parliament building thar hawng dawn?

India parliament building thar chu tun thla tawp lam hian Prime Minister Narendra Modi chuan a hawng dawn tia sawi a ni.
Parliament building thar hi zawhfel tep niin May thla tawp lamah hian Prime Minister chuan a sorkar kum kuana hriatreng nan a hawng dawn tia sawi a ni.
Prime Minister Narendra Modi hian kum kua kalta May 26, 2014 khan rinawmna thu tiamin prime minister dinhmun a chelh tan a ni.
Chhawng li lai he building hi Rs 970 crore senga sak niin MP leh official 1,224 lai len hal halna a ni a. Hei mai bakah hian Constitution hall lian tak nei bawkin chutah chuan India democratic heritage tarlan te dining area leh parking space te a awm bawk.
House pahniha staff te chuan uniform thar an nei dawn bawk a, he uniform thar hi National institute of Fashion technology (NIFT) tena an design a ni.
Building thar hian kawngka pathum – Gyan Dwar, Shakti Dwar leh Karma Dwar te a nei a, MPs, VIPs leh visitor te tan luhka hrang theuh a nei bawk niin official te chuan an sawi.
Parliament Monsoon Session chu building tharah hian July thlaah neih hman a ni dawn tia sawi a ni bawk a. Parliament building thar sak lungphum hi PM Modi chuan December 2020 khan a phum a ni.
Modi sorkar kum kuana chamah BJP te chuan ‘special contact campaign’ ram pumah neih an tum a, Lok Sabha constitutency tin te hrut vek an tum a ni.
PM Modi chuan he campaign hi May 30 khian a hawng dawn nia sawi niin rally thawh hnihna chu a tuk May 31 ah PM Modi hova neih tur nia sawi a ni bawk. Heng bakah hian BJP MP rualte chuan ram chhung hmun hrang hrang an fang zui dawn bawk a ni.