Dolly Parton chuan rimawi khawvela kum 56 a tal tawh chhungin Guinness World Record a siam nual tawh a, tunah record thar pathum atan title a dawng leh ta a, “Guinness World Records title ka dawn apiang hi a lawmawmin ka phu lo em em vek zel a ni,” a ti.
Country Music Hall of Fame leh Rock & Roll Hall of Fame-ah te pawh lakluh lo ni tawh Dolly Parton hnena Guinness World Record-in title an hlan thar chuhmeichhe country singer zinga studio album tlangzarh hnem ber (Dolly hian studio album 65 a trlangzarh tawh a, a hmasa ber chu 1967 a Hello, I’m Dolly kha niin, a country album hnuhnung ber chu 2022-a album Run, Rose, Run tih kha a ni), hmeichhe zaithiam zinga Top Country Albums chart-a top 10 kai thei hla ngah ber leh Top Country Albums chart-a No.1 neih inkar rei thei ber (he chart-a a No.1 album hmasa chu a neih atanga a hnuhnung ber inkar rei zawng chu kum 43 leh ni 156 a ni) te an ni.
Guinness World Record adjudicator Michael Empric chuan, “Dolly Parton hlawhtlinna leh daihreina lawmin Guinness World Records title pathum kan hlan leh thei hi a ropui hle a ni. Dolly hi legend a ni mai lo va, a ropui danlam a ni tawp mai,” a ti.
Parton-i’n Guinness World Record 3 a siam belh
Get real time updates directly on you device, subscribe now.
Next Post