‘Pathaan’-in US leh India-ah box office record a siam

Shah Rukh Khan channa Pathaan chuan tun weekend kalta khan North America-ah cinema hall ticket hralhna atangin dollar maktaduai 5.9 a lalut a, North American box office No.5-ah a debut a, Bollywood film zingah North American box office top 5-a lang thei awm chhun a la ni. He film hian India-ah pawh record siam theih ang ang chu a siam chho deuh malh malh a ni ber mai a, an tlangzarh atanga ni 5 chhungin India-ah cinema hall ticket hralhna atanga cheng vaibelchhe 275 lalutin, Hindi film zinga opening weekend-a sum lalut hnem ber niin, India ram pawna a sum lakluh nen chuana kar khatnaah cheng vaibelchhe 430 vel a lalut thei a, hei pawh hi Hindi film tana record thar a ni.