Shah Rukh Khan, Deepika Padukone leh John Abraham te channa spy-thriller ‘Pathaan’ chuan cinema hall ticket hralhna atangin khawvel huapin cheng vaibelchhe 950 a lalut tling ta a, khawvel huapin cheng vaibelchhe 1,000 a lalut tling thei ngei dawn niin a lang.
-- Advertisement --
He film Hindi version hian India-ah ringawt cheng vaibelchhe 469 a lalut tawh a, version dang nen chuan vaibelchhe 486.25 a tlin tawh bawk. Tunah hian Hindi tawng hmang film zingah India-a sum lalut tam pahnihna niin, Baahubhali 2: The Conclusion chiah a pah lo a, Baahubhali 2 Hindi version hian India-ah cheng vaibelchhe 511 a lalut thei a ni.
Pathaan hian India-ah cheng vaibelchhe 500 a lalut tling thei a nih chuan Bollywood film zinga hetiang tithei hmasa ber a ni ang (Baahubhali hi chu Bollywood film ni lovin, South India lam a ni).