Fast and Furious film 10-na, Fast X chu May ni 19-ah cinema hall-a chhuah tan tur a ni a, he film-ah hian Vin Diesel chu Dominic Toretto lemah a chang leh a, misual, Dante lemah Jason Momoa a rawn chang thar ve ta bawk. He film-a mithar inlan turah Brie Larson leh Leo Abelo Perry te pawh an tel,
Faxt X trailer an tihchhuah tharah chuan Dante chu ruihhlo tawlhtu lian ernan Reyes fapa a ni a, ani hian Dom-a fapa Brian Marcos a kidnap a, Dominic Toretto hnenah, “Hmangaihna nen chungkaw duhawm tak i din a. Kei chuan hetiang chance hi ka nei ve lo. Min tihchhiat sak vek a ni. Ka hmalam hun leh kan chhungkua, tunah chuan a mal te tein engkim ka tihchhiat sak ve tawh dawn che a ni,” tiin a vau chher chher mai le.
-- Advertisement --
Brie Larson pawhin Dom hnenah, “A siruk lain nangmah bei tur chein a rawn thawk chhuak e,” a ti ve bawk.
Michelle Rodriguez (Letty) pawhin, “A tu emaw ber hi chu kan rawn kir ve tawh lo mai thei,” tiin an thil hmachhawn tur chungchang chu a sawi ve bawk.
Tyrese Gibson, Ludacris, Jordana Brewster, John Cena, Jason Statham, Sung Kang, Scott Eastwood, Helen Mirren leh Charlize Theron te pawh an inlan leh vek e.
Dante vauna chu Dom cuan, “Hnehna chu a hneha inhnehna a ni, zahawmna hlawh chuak turin kan bei a, vawiinah chuan thisen luang tur tihtawp tumin ka bei dawn a ni,” a ti a, Dante chuan, “Chu chu a buaithlakna lai tak chu a ni, hetiang chhungkaw hung lutukah hi chuan tu ber nge i humhim dawn tih engtin nge i thlan tak ang?” a ti let ve thung.
A video clip tawp khar nan Dom chuan, “Kan chungkua hi i tiphel thei ngai lo vang,” a ti a.