Patriotism zirtir kan mamawh lo : Stalin

Tamil Nadu Chief Minister M.K. Stalin chuan Ningani khan Prime Minister Narendra Modi chu ‘vote zawng tur chauha’ Tamil Nadu a tlawh avanga sawiselin DMK te chuan ram leh hmangaihna lamah zirtir kan ngai lo a ti bawk.
“AIADMK ang bawkin BJP sorkar hian tun hnai kum 10 chhungin Chennai tan engmah tih a nei lo. Mahse, Modi chuan Zirtawp hian Kanniyakumari a tlawh dawn a. Eng vangin nge a lokal? Tamil Nadu tan special project a puang dawn em ni? Ni lo, vote zawng turin a ni a lokal ni” tiin Chennai a sorkar function neihnaah a sawi a.
Prime Minister in vote a zawm hrim hrim chu a diklohna a awm lo tia sawiin Stalin chuan, “Tuilian in Chennai, Thoothukudi leh Kanniyakumari te a khawihbuai laia mipuite hnem tur pawha tlawh miah lovin vote zawng tur chauha a lokal hi a fuh chiah em?” tiin a sawi a.
Modi chuan a tuk lawkah erawh tuilianin a tihbuai Gujarat chu helicopter hmangin a tlawh thung a, tanpuina pek tur thu a puang nghal a, Tamil Nadu erawh tuilen hnu thla thum ralah tanpuina a pe chauh a ti bawk a. Stalin chuan, “Ka ngaihdan ka sawi laiin sorkar laka hel tumah min puh a, sorkar laka helah min puh a ni” tiin a sawi.
Chennai Metro Rail Phase-II hna kal mekah pawh Union government atangin fund mamawh lutuk an nih tawh thu a sawi a. Stalin chuan kum thum chhung fund ka dilna min la hnawl sak ziah a ni. “Kan hnua fund dil dang State te pawh an pe tawh a. Keini chuan engmah kan la dawng ve lo, min pe ve duh lo” tiin a sawi bawk.
Tamil Nadu chuan Union governmetn hnenah taxe tam zawk a pe thung tiin Stalin chuan, “Kan pawisa kna pe a. Kan pek ang milin min pe let em? Rupee khat kan pe a nih chuan 28 paise bak kan dawng let lo. Chu pawh regular takin min pe duh lo zui” a ti bawk.
Tamil Nadu sorkar chuan leh State MP te chuan Parliament ah pawh fund an dil reng a, 28 paise chauh min pe a ni. “Heng thu te hi kan sawi a, seditionist (sorkar laka hel tum, sorkar laka hel tura fuihna) min tih khuma” tiin Stalin chuan a sawi bawk.
“Prime Minister Modi! Prime Minister! Sedition rilru kan pu lo. Kan dil mai a nia, enga ti nge standard hran in neih” tiin Stalin chuan a sawi bawk a. “Chiang taka ka sawi duh chu, tumahin patriotism min zirtir kan ngai lo. Arignar Anna [DMK president leh CM hlui C.N. Annadurai] chuan kum 1962 a China aggression hnuah ‘Dravida Nadu’ a ngiat chu a titawp nghal a, India security chu a pawimawh a ti a ni,” tiin a sawi bawk a.
Kum 1971-a Pakistan nena indo lai khan Chief Minister M. Karunanidhi chuan Assembly-ah resolution pulutin chutah chuan Pakistan demna niin kum 1972 khan khatih lai CM khan Pakistan nena indo laiin Rs 5 crore Union government ah a thawh a ni. “Kalaignagar sorkar pawhin ram tana martar te fund leh ram a pe a ni,” a ti bawk.
Kargil indo lai pawhin Tamil Nadu sorkar Chief Minister M. Karunannidhi kaihhruai chuan instalment thumin Prime Minister Atal Bihari Vajpayee hnenah Rs 50 crore a pe a ni. “Tamil Nadu mipuite hian kan ram humhim hi thupuiah kan nei a ni. Tamil Nadu atangin ram pum a hmasawnna a kalrual theih nan aw kan chhuah a ni” a ti bawk a.
Stalin chuan, “Tamil Nadu mipuite hnen atangin an vote bak i duh lo. Chu chu a dik em ni? Tamil Nadu mipui te hian Tamil Nadu tana special project te an phut. Prime Minister an zawhna te chhang ta che” tiin a sawi bawk.
Tamil Nadu mipuite chu AIADMK leh BJP te an hnawl an inpeih at tia sawi bawkin Stalin chuan Tamil Nadu hmasawn nan leh mipuite tan nasa zawka an thawh tur thu a sawi bawk