Pawngsual thubuaiah Mohamed Al Fayed puhna a lian thar zel

Harrods lo enkawl a, kaihruai tawhtu, nikuma kum 94 mi nia boral, billionaire Mohamed Al Fayed chu a thawktu hlui nia insawi hmeichhe panga in a pawngsual tuar tawh niin an insawi.
Mohamed Al Fayed hi sum leh pai lama buai lo tak niin, a boral hnu hian tun hnai khan hmeichhe panga, a hnuaia thawk thinte chuan London a an department dawrah a pawngsual ngei niin an insawi a, anni lo midang pawhin mawi lo takin a lo khawih tawh thin niin an sawi ve bawk.
Hetianga thu a darh chiam tak hnu hian legal team lam pawhin thuchhuah nei vatin, thudik haichhuak tura theihtawpa tan an lak nghal dawn thu an sawi a. Hetiang zawnga inrikrap leh pawngsualna thleng thin hi en liam mai mai an tum loh thu an sawi ve nghal bawk.
A thachhang dawltute chuan a sum leh pai duh vanga puh chhiatna mai mai niin an sawi ve thung a, dikna a lal ber theih nan theihtawp chhuah ve an tum thu sawiin, mi hmingtha leh vantlang zahkai tak a nihna vawn nunsak reng an tum thu an sawi ve bawk a ni.