Mizorama dan loa lut ru Chakma foreigners pung chak lutuk ngaimawh loh chuan ram leh hnam tan a him lo, tia Brig. T Sailo kaihhruai PC party-in thahnemngai taka a lo tlangaupui thinna ngaithei loa, dodaltu party thenkhat avangin a takin kan tawngbaw chho ta zel tih PC Thalai chuan an sawi.
PC Thalai Hqrs. thuchhuak chuan, Chakma vote duh luat avanga fachuam ena tul miah loa Autonomus District Council pek avangte, thiah leh tuma PC sawrkar hmalakna dodal tlat avangte, ram leilungfa Mizo zirlaite hamthatna tur chuhpui ngam khawpa ram hruaituten Chakma zirlaite thlavang an hauhsak thin vang te, ramri venhim that loh avanga awlsam taka Mizorama an luhruk theih thin avangte in, Zoramin buaipui tham Chakma foreigners a kawl ta chu ram hmangaihtu derten ram an hruai thin vangah a ngai tih a sawi.
‘Hetiang taka ram leilungfate chunga Chakmate huangtau ngam chhan hi, kan ram kaihhruai thintu ten Chakmate an lo duatsualna kalzelin a hrinchhuahah kan ngai,’ thuchhuah chuan a ti.
PC sawrkar hmalakna dodal rah kan seng – PC Thalai
Get real time updates directly on you device, subscribe now.
Prev Post
Next Post