Party-ten inthahna dem

MNF Gen. Hqrs. chuan thuchhuah siamin ramri venna hmuna sipai pahnih, Hav. J.Lalrohlua leh Hav. Indra Kumar Rai te, Hav. Bimal Kanti Chakma-in rawng taka a kaphlum chu a demin, lusun chhungte a tawrhpui takzet tih a sawi a. Ramri ven hna ngawrh taka thawktute karah hetiang thil duhawm lo hi thleng nawn tawh lo se a duh takzet tih a sawi bawk.
Sawrkarin tualthattu, Hav. Bimal Kanti Chakma rang taka a man leh hremna pe a, a hna atanga a ban tir nghal chu lawmawm a tih thu sawiin, vanduaina tawk ta chhungte tana zangnadawmna atana hna pek chungchang thlenga sawrkarin chak taka hma a la chu lawmawm a tih thu a sawi a ni.
ZPM Gen. Hqrs. thuchhuak chuan ramri venghim tura police duty-te inkara tualthahna thleng chu a demin pawi a tih thu a sawi a. Chhiattawk chhungte a tawrhpui takzet tih a sawi. Tun hnu ah hetiang thil a thlen tawh lohna turin sawrkarin ramri vengtute ngaihsak lehzual turin a ngen nghal tih a sawi bawk.
PC Thalai Hqrs. thuchhuak chuan tualthahna hi a dem takzet tih sawiin, pawikhawihtu chungah a na thei ang bera hremna pe turin thuneitute a ngen bakah pawisawi lo kahhlum tak chhungte zangnadawmna cheng nuai 10 aia tlem lo pe tur leh an chhungte intunnunna’n hna siamsak turin sawrkar a ngen tih a sawi a ni.