Pension kum tihsan duh lovin France la buai

France rama pension kum tihsan duhlohna chu nasa taka la kalpui zui zel niin Bordeaux town hall chu lungawilohna lantirtu ten an hal a.
France khawpuiah lungawil-ohna nasa taka lantir zui zel ni bawkin, Paris khawpuiah ringawt pawh kawngzawh mi 119,000 chuang an awm niin interior ministry chuan a tarlang.
Paris khawpuiah hian police te chuan lungawilo te hnawhdarh nan tear gas hial hmangin ram pumah mi 80 chuang manin an awm bawk a.
Lungawilo te hian France sorkar in tun hnaia pension kum 62 atanga 64 -a a tihsan chu an duh lo ani.
Unions te chuan lungawilohna lantir chhunzawm zel tumin King Charles III an France a tlawh lai denchhena lungawilohna pawh kalpui zui zel an tum bawk a.
King Charles hian town hall halna khawpui Bordeaux hi tlawh a tumsa niin he khawpui hi lungawilohna lantirna nasat zualna a ni bawk a.
Interior Minister Gerald Darminin chuan King Charles zin tur chuan harsatna a neihloh tur thu sawiin security lamah engmah buaina awm dawn lo va, Bordeaux khawpui chuan a lo lawm dawn a ni tiin a sawi thung.
Paris khawpuiah chuan lungawilohna lantirut te leh police te chu an inbakaih zauh zauh a, lungawilo te hian mask hreng tlangpuiin dawr darthlalang te tichhia in street furniture te pawh an tichhia nia sawi ani a.
Heng che na deuh te hnawhkian nan hian police te chuan tear gas hmangin lungawilote hian police te hi an vawm ve thung a, mi 33 lai manin an awm a ni.
“He reform hi ka dodal a, kan ramah hian democracy in awmzia a nei ta vak lo. Aiawh kan nei ve tak tak tawh lo va, kan hne a ni” tiin lungawilo pakhat chuan a sawi a.
“Lungawilohna kan lantir hmang hian kan duh kan lantir ve a ni, a bak kawng dang kan nei tawh lo va, he reform hnukkir tura kan nawr theihna kawng awmchuna ni” tiin midang pakhat chuan a sawi bawk.
Lungawilote hian Rel tlan an ti buai a, zin veivahna leh inkalpawhna thil hrang hrang te mumal lvin an siam zui bawk a. Tourist te tlawh nasat Eiffel Tower leh Palace of Versailles te pawh kharin a awm bawk.
Northern city Rouen ah te, khawthlang lam khawpui Nantes, Rennes leh Loreint ah te pawh inbeihna a thleng a.
“Kawthler hian Franc ah awm zia a nei a nia” tiin Nantes khawpuia lungawilo pakhat chuan a sawi a, “Macron hian historic reality a hre reng lo a nih chuan eng nge a tih mek kan hre hauh dawn lo” tiin lungawilo pakhat chuan a sawi.
France a lungawilohna hi sorkar berin pension age tisanga majority a neihlhna parliamnet lower house kalkana dan a siamin a hrin a ni a, vote thlak pawh awm lovin a kalpui a ni. President Emmanuel Macron chuan pension reform chu tihmakmawh a tihlaiin prime minister Elisabeth Borne chuan nakin zela system mumal zawk a awm theih nana tihngai tiin a sawi ve thung.