Person of the year-ah Donald Trump
Time magazine chuan a tum hnihna dawnna ni turin Donald Trump chu person of the year atan a thlang.
Time editor-in-chief Sam Jacobs chuan a rawn kirna hlawhtling tak leh America chanvo a thlak danglam leh nasat em vang leh political realignment a kalpui avante he chawimawina hi dawng a nih thu a sawi.
Ningani khan Republican president thlan thar hian New Tork Stock Exchange-ah a chhungte engemawzah nen he chawimawina hi an dawng a ni.
Trump hian kum 2016 khan president atana thlan tlin hmasak a nih tumin he chawimawina hi a lo dawng tawh a, a policy te chuan American mipui mai bakah khawvel mipui tam tak a chawkphur thei hle niin a buatsaihtute chuan an sawi a, hei hian he chawimawina hi a dawntir phah leh thin niin an sawi bawk.
Time magazine hian kum 1927 atang khan ‘man of the year’ tiin he chawimawina hi a semchhuak tan a, hun engemawlai atang khan ‘person of the year’ tiin an thlak a ni. Tun hnai kum rei lo chhunga he chawimawina lo dawng tawhtute chu climate change activist Greta Thunberg, America president hlui Barack Obama, Meta CEO Mark Zuckerberg, Pope Francis leh Ukraine president Volodymyr Zelensky te an ni.
Person of the year-ah Donald Trump
Get real time updates directly on you device, subscribe now.
Next Post