Eiruk thubuaiah France president hlui thubuai siamsak

Eiruk thubuaiah France
president hlui thubuai siamsak
France president hlui Nicolas Sarkozy chu eiruk thubuaiah thiam loh chantir a nih chungchang court chuan ngaihtuahin, chhuah a dilna chu hnawl a ni thung a, a thubuaite hi thu tlingah ngaih vek a ni.
Nilainia Cour de Cassation in thutlukna a siamah chuan Sarkozy hian kum 2007 atanga 2012 thlenga thuneihna a chan chhung khan thil dik lo tam tak a ti tih tarlan a ni.
Kum 69 mi Sarkozy chuang heng an puhna hrang hrangte hi a dik lo nia sawiin, France ram court-ah chak lo mah se European Court of Human Rights lamah kal ngei a la tum thu a sawi.
Sarkozy hi kum 2014 khan judge hnena thamna pek a lo tum tawh avangin thiam loh chantir a ni a, a thiltih dik loh tam tak hmuhchhuah belh a nih avangin thubuai hrang hrang a ngah zui ta hle.
Kum 2021 khan kum thum chhung jail tang tura hremna pek lo ni tawhin, tuna a thubuaia thiam loh a chan leh tak hnu phei chuan a tan hun chhung hi a rei lehzual ngei tura ngaih a ni bawk.