Peru president ban phuta hmun hrang hranga kawngpui kal theih loha dan chah te chu senghawi a ni ang tiin officials te chuan an sawi.
-- Advertisement --
Police leh sipaite chuan joint operation neih tumin hma an la mek tiin defence and interior minister chuan a sawi a.
President lu Pedro Castillo thlawptute chuan nikum December thlaa Congress in a ban hnuah leh man zui a nih hnuah lungawilohna an lantir zui zel a. Amah thlaktu Dina Boluarte chu banga inthlan \hat an phut bawk.
Ministry of interior chuan ‘ni tin inkal pawhna kawng danchah hi dan bawhchhiatna a ni’ tia sawiin ambulance-in a tum ram a thlen theih loh avangin mi 10 in nunna an chan phah tawh a ti bawk a.
Kawngpui danchah hian fuel leh ei leh bar lamah region tam takah harsatna a thlen bawk a. Khawpui \henkhatah chuan thil man a let thum tein a sang tawh nia sawi a ni bawk.
Hetih lai hian Boluarte chuan ram pum huapa inremna awm se a duh thu a sawi a. Mahse, a thusawi hnu lawkah mi sang tam tak capital Lima ah pungkhawmin bang turin an nawr zui nghal thung.
Boluarte hi nikum December thla khan Castillo impeach a nih hnuah president atana lakluh a ni a. Mahse, he mi hnua buaina chhuak zui ta zelah mi 50 chuangin nunna an chan phah tawh a ni.
Southern Puno, Cusco leh Apurimic region governor te pawhin banna thehlut tawhin president chu bang turin an phut bawk a, opposition politician te pawhin Boluarte chu impeach a nih theih nan motion an theh lut tawh bawk.
Boluarte hian ban tumna a neih loh thu a la sawi zui zel thung a, Peruvian te chu remna leh muanna thlang turin a ngen zui zawk a ni. Economy and Finance Ministry chuan lungawilohna lantir avanga Peru in sum a hloh tawh chu 2.15 billion soles ($ 554m) hu tiin a sawi bawk.