Peru President chenna in dap

Thuneitute chuan President Boluarte-in a nei tih a sawilan duh loh Rolex watch thahnem tak an zawng mek a.
Investigation neihna chhan hi news report pakhata public events a Boluarte in luxury sana a bun chungchang an ziah atangin a ni a.
Peru sorkar chuan kar kalta Inrinnia president chenna hmun dap chu constitution kalh tiin an sawisel thung a.
“Politics thil bengchheng siam mek hi a runthlak a, investment nghawngin ram pum a tibuai a ni,” tiin Peruvian Prime Minister Gustavo Adrianzen chuan a sawi bawk.
Sorkar comptroller chuan March thla tir lam khan Boluarte asset declaration chu an enfiah tur thu an lo sawi tawh a.
Kar kalta tawp lam khan Boluarte chuan kut faiin sorkar a siam tia sawiin kutfai bawkin ka chhuahsan ang tiin a sawi bawk.
A rolex sana chu tun hmaa a lei tawh nia sawiin kum 18 a nih laia a hnathawh hlawh atanga a lei a nih thu a sawi.
Kar kaltaa Boluarte chenna in dapnaah hian police leh prosecutor’s office te tangrual thiltih niin local television channel Latina ah tihchhuah a ni bawk.
Police te chuan in dap an tum thu sawia kawng hawng tura an tih an hawn loh hnuah kawngka tichhiain an luhchilh a ni.
Boluarte chenna in dapnaah hian public prosecutor 20 vel leh police 20 vel inhnamhnawihin Boluarte chenna in hi sorkar palace atanga kilometre tlemte chauha awm a ni a.
A chenna in dap a nih lai hian President Boluarte chu a office a awm lai a ni thung a. Prime Minister Adrianzen chuan Boluarte chu a bang dawn lo tiin a sawi bawk.
Boluarte chenna in an dapna chhan hi prosecutor ten a sana neihna a lei hun leh leina te finfiahna pe tura tihah Boluarte in hun tam zawk a dilna an hnawlsak hnuah kalpui a ni a.
Boluarte hi lawyer hlui niin beisei loh takin president Pedro Castillo chu Congress thiah a tumna lamah bana a awm phah zawk hnuah president ni zui a ni.
Castillo paihthlak a nihna chu duhlohna nasa tak lantir niin Boluarte chu bang vata inthlanna buatsaih vat tura nawrna a nasa hle a ni.