Phaituala bike intlansiak hma- chhawn tur Mizo rider Lalnunsanga

Phaituala bike intlansiak hma-
chhawn tur Mizo rider Lalnunsanga
Mizoram MotorSports Association (MiMSA) rider K. Lalnunsanga s/o K. Lalzuala, Electric Veng, Aizawl chuan tun thla October ni 4-5 chhunga Chennai khawpuia nghah tur MRF-MMSC-FMSCI Motorcycle Racing Championship hmachhawn turin Aizawl a chhuahsan a, Chennai a thleng fel tawh.
Nunsanga hian 130cc-160cc, Novice Class-ah Spark Racing Team Bike Yamaha V3 khalhin intlansiak hi a hmachhawn dawn a ni.
He championship-ah hian round nga awmin, tun hi round li an tlanna tur niin, final round hi nakkum 2026 January thlaah an tlan thung ang.
Chennai race track hi km 3.717-a thui niin, main straight pawh metre 250 lai a ni.
Mizorama rider-te intlansiakna thin Tuirial Airfield nen chuan inthlau tak ni mah sela MiMSA rider-te hian Chennai-ah vawi tamtak intlansiakna dawhsan sangber an lo luahlum ve fo tawh thin a, tuntumah pawh beiseina sang tak an nei tih MiMSA thuchhuah chuan a tarlang.
130cc-160cc category-ah hian rider 30 an chhuak a; Mizo rider chhuanvawrte zinga mi K. Lalnunsanga hian championship point-ah pathumna dinhmun a hauh mek a, champion thei dinhmunah a la ding ve mek a ni.
Sanga hi Mizoram MotorSports Association chuan a chhuangin, champion ngei turin duhsakna a hlan tih an thuchhuah chuan a tarlang tel bawk.