Phaitualah Mizoram under 14 taekwondo team fehchhuak

Phaitualah Mizoram under 14 taekwondo team fehchhuak
October ni 27-31, 2025 chhunga Chumokidema, Nagaland-a khelh zawh tura ruahman 69th National School Games Under 14 (Taekwondo) inelna hmachhawn turin Mizoram atangin zirlai panga an fehchhuak a, team official pahnih Durjeet Singh leh Joseph Zodintharate’n an hruai.
Nagaland Youth Affiar & Sports Department-in an sawm angin international referee Master Joseph Thansanga pawh Competition Director turin a kal tel ve bawk.
Nagaland Sports Director Kethosituo Sekhose, NCS chuan press mite hnenah taekwondo hi midangte zah thiam leh discipline nei tha Korean-ho zirtirna atanga chhuak a nih avangin an inelkawlna a tha tih a sawi a, department-in National School Games buatsaih tura taekwondo chu discipline tha bera an hriat avanga an thlan thu a tarlang tel.
Competition Director Master Joseph-a pawhin competition buatsaih dan tur kimchang sawiin, technical official-te training a pek hnuah coach/manager-te a meeting pui bawk.
National Games-ah hian state leh central School 35 atangin zirlai an kalkhawm.
Mizoram aiawhte

1. Under 32kg – Joseph Vanlalhmangaiha Govt. Ramhlun M/S –
2. Under 35kg – VL Remsiama Govt. Venglai M/S, Lunglei
3. Under 38kg – Malsawmdawnga Govt. M/S Mission Vengthlang
4. Under 41kg – T. Lalruathlua Govt.Venglai M/S Lunglei
5. Over 41 kg – Isai VL Muanpuia Vana Memorial School Mission Vengthlang