Phalna la loa kawtthlera thil tartute sum chawitir

Phalna la loa kawtthlera
thil tartute sum chawitir
Phalna nei loa tunhnaia Aizawl kawtthler hmun thenkhata hoarding board tartute chu Aizawl Municipal Corporation (AMC) chuan sumfai chawitirin la thla tura a tih ni, December 9 chawhnu dar 1.00 ralhmaa la thlai vek turin a ti.
Kar kalta khan Aizawl hmun thenkhat kawngkama a remchang laiah Hindi tawnga thuziak hoarding board engemawzat tar a ni a. Mipuiin eng tihna nge an hrethiam loin zawhna a siam tam hle. AMC chuan hei hi bawhzui nghalin December 8 khan a tartu cement company pakhat chu chhuichhuakin, Aizawla he company aiawhte chu hriattirna an pe nghal a, phalna nei loa thil an tar hi thupek chhuah ni la laa thianfai vek tur leh an hmalakna rang taka AMC-a thehlut turin a ti a. Dan angin sumfai a chawitir bawk.