African Swine Fever leng mek leh ran dam lo chungchangah veterinary doctor-te chu phone number 1962-ah biakrawn theih an ni a, biak man hi chawi a ngai lo (toll free) a ni.
AH & Vety department hotute chuan, vawk natna hri – ASF leng mek kaihhnawihah mipui hriat tur tichhuakin, ran damlo nei tana doctor biakrawn theihna tur an siam bakah disinfectant atan sahbon (surf adt), bleaching, chinai, phenol te pawh hman theih vek a ni tih an sawi a. Ran in leh a vel sahbon tui nena tifai fo turin an chah bawk.
ASF kai leh pu darh thei, sanghal thi tlaw hmute chuan AH & Vety department lam hriattir thuai turin an ngen a ni.
Vawk damlo/ thi an awmin AH & Vety department hriattir thuai a, vawk damlo dah hrang thuai tur leh vawk enkawltuten thawmhnaw hak bik neih a tha tih an sawi a. Vawk damlo talh leh hralhchhuah khap a ni a, tiluite hrem theih an ni tih an sawi.
Vawk thi tawh mahnia zai hawng ngawt lo turin mipui an chah a. Ran damlo emaw a sa emaw hrilenna hmun atanga lachhuak lo tur leh hrilenna tlawhpawh lo turin an chah. Chaw ningnawi rei tak chhumso that loh chu vawk pe lo turin an chah bawk.
Hetihlai hian May 14 thleng khan ASF leng mekah vawk 1104 a thi tawh a, heng zinga 701 hi ASF kai avanga thi an ni a, a bak 403 hi ASF kai nia ngaih vanga tih hlum an ni.
Phone number 1962-ah vety doctor biak theih
Get real time updates directly on you device, subscribe now.
Prev Post
Next Post