Phosphorous bomb Russia-in hmang ti

Ukraine chuan hual vela awm mek Bakhmut khawpui chu Russia in phosphorous bomb hmangin a bei a ti.
Drone thlalak Ukraine sipai tena an tihchhuahah Bakhmut khawpui chung zawn ataga phosphorous sur thlak tir lai ni awm tak tihlan a ni a.
White Phosphorous te hi khap a ni lo va, mahse, civilian te awmnaa hman chu war crime anga ngaih a ni.
Kangmei awlsam leh chak taka siamin thelhmih a har em em bawk a, a hma pawhin phosphorous te chu hmangah Russia chu puhin a lo awm tawh bawk.
He video hi media lam tena an finfiah hnuah Bakhmut city centre khawthlang lam children’s hispital bul lawk a ni tih finfiah a ni zuii bawk a ni.
RUssia hian a hma pawhin Ukraine ah white phosphorous a hmang tia puh tawh a ni a, indo tirha Mariupol lak tuma a beih lai pawhin a hmang ngei tia sawi a ni tawh.
Moscow chuan a hman thu a la nemnghet ngai lo va, nikum khan Kremlin Press Secretary Dmitry Peskov chuan ‘Russia chuan international conventions a bawhchhe ngai lo’ tiin Ukrainian President VOolofymyr Zelensky an a puh a chhang thung.
White phosphorous hi wax ang tak mai niin 800C vela alh thei niin oxygen nena a intawhin a alh mai a, meikhu zam turu tak a siam zui thei thin.
Human Rights Watch (HRW) te chuan he chemical hi hlauhawm tawp tia a saiw a ni a, a ban a, taksaah a bet hma em em bawk a, bandage a tuama phelh lehna lamah pawh la alh thei a n hial abwk.
Russia hi ralthuam thenkhat hlauhawm zual te civilian area a hman loh tura thuthlung ziahna ‘Convention on Certain Conventional Weapons’ hming ziahhnantu zinga tel a ni a.
Mahse HRW te chuan he convention treaty ah hian phosphorous chu a tel lo tia sawiin phosphorous hmanna ber chu military operation khuh nana meikhu var tichhuak tu ber a nih vang a ti.
He chemical hi tun hnai kum 15 vel chhungin hman nasat a ni a, US sipaite pawhin Iraq leh Syria-a IS te an beihnaah an hmang tiin HRW chuan a sawi bawk.
Analysts-te chuan civilian hnaihna bul hrim hrima hman chu dan kalh a ni tho an ti a, hetihlai hian Russia a Wagner paramilitary group te chuan 10 May atangin Bakhmut ah ammunition an mamawh ang peka an awmloh avangin an chhuahsan tur thu an puang thung.
Wagner group chief Yevgeny Prigozhin chua ni tin hliam tuar an pun thu sawin harsatna an tawhah Russia defence ministry te a dem thu a sawi bawk.