Playboi Carti ‘MUSIC’ album-in Spotify record siam
Atlanta rapper, Playboi Carti chuan a studio album pathumna, a album thar ‘MUSIC’ chu March ni 14 khan a tlangzarh a, kumina nikhat thil thua Spotify-a album stream nasat ber record a siam nghal.
He album-ah hian a hla ‘All Red’ Billboard Hot 100 chart-a No.15 kai thei pawh a dah tel a, rimawi khawvela hming langsar tak tak a thawhpui nual a Young Thug, Travis Scott, Future, Kendrick Lamar, The Weeknd, Lil Uzi Vert, Skepta leh Ty Dolla $ign an tel a, producer lamah pawh Cardo, Metro Boomin, Southside, F1lthy, Ye, Cash Cobain leh Ojivolta te pawh an tel.
Hla 30 awmna ‘MUSIC’ album hi fans lamin an nghak rei ngar ngar hle a, tun kum nga chhunga a album tlangzarh hmasak ber a ni, 2020-a a album ‘Whole Lotta Red’ hnua a tlangzarh leh hmasak ber niin, ‘Whole Lotta Red’ Billboard 200 (albums) chart-ah No.1 a kai a, ‘MUSIC’ pawh hi karleh Billboard 200 chart No.1-ah a debut ngeiin a rinawm.
Playboi Carti ‘MUSIC’ album-in Spotify record siam
Get real time updates directly on you device, subscribe now.