Pakistan tennis player-in minute khat a service hnem record a siam

Pakistan tennis player-in minute khat a service hnem record a siam
Pakistan a tennis player Talha Waheed chuan tennis service-ah Guinness World Records a siam a, minute khatah vawi 59 service hmanin, 2019-a American, John Perry record siam, minute khat a vawi 42 service record a rawn khum ta a ni.
Record siam tur hian tennis service dan pangngai thlapin, a service dik thlap tur a ni a, tawngpawn vuak ran ringawt a ni chuang lo. Talha Waheed hian nikum November-a record a siam tawh kha niin, kar kalta khan Guinness atanga record nemnghehna a dawng chiah a ni.
Talha Waheed hi national leh international senior tennis-ah te pawh competition-a chhuak ve zak zak tawh niin, 35+, 40+ leh 45+ doubles category-ah national title te pawh a lo dawng ve nual tawh a, ITF senior world raking tournament-ah te pawh telin, 40+ doubles-ah ranking 144 a lo ni ve tawh bawk.
Record siam tum hian thla thum chhung ngawrh takin training a nei a, nikum November ni 8 khan Lahore-a record siam tum hian a bei ta a, a record an pawmpuina March ni 10 khan a dawng ta a ni.