Player-te ham\hatna atana thawk tur Wenger

Player-te hamthatna atana thawk tur Wenger
Arsenal boss nihna a bansan hnua Fifa hnuaia hna lian chelh chho ta Arsene Wenger chu player-te hamthatna (player welfare) lam buaipuitu Fifa taskforce kaihruai tura tih a ni.
Fifa hnuaia khawvel puma football hmasawnna lam kengkawhtu bik (Fifa global football development) hotu lu ber ni mek Wenger-a hna thar tur hi football calendar khat tha lutuk thin avanga player-te’n harsatna an tawh thin leh vuinana chungchanga puihna awm thei zawnpui lam a ni dawn a ni.
Thla liamta mai khan European league lian ber berte leh player intelkhawm pawl Fifpro an tihte chuan an hamthatna lam ngaihtuah ngawr ngawr vanga international fixture calendar kalpuiah Fifa chu puhin European Commission hnenah hekna (legal complaint) an thehlut a; players’ union lam hi Fifa chief of global football development Wenger-a hnuaia awm taskforce huam chhunga awm niin, Fifa member associations, confederations, European Club Association leh World Leagues Association-te pa wh he taskforce kut ken vek tho an ni.
Professional footballer-te hi club lamah kum tluana inkhel niin, chutih karah international match khelh tur a awm chho ve reng a, Fifa huaihawt club inelna ni se an tilian tual tual a, player-te hian hah an inti a, fixture chep lutuk avangin an inhliam phah nasa tih chu an sawi dan a ni a, complaint hian thehluh a nih takah chuan Fifa lam hian player-te dinhmun zirchiang a, an hamthatna awm thei dappui turin taskforce an din a, chu ta an hotu ber atan Arsenal manager hlui an ruat ta a ni.
Tarlan tak angin, European football calendar tlar thla dul belhchhah turin Fifa chuan nakkum June ni 15 atanga July ni 13 chhunga United States leilunga khelh tur Club World Cup khel tur zat a tipung chiam a, hei hian player-te inkhelh hun chhung a tirei lehzual dawn a ni.
Tunhnaia Ballon d’Or lawmman dawngtu Spain leh Manchester City midfielder Rodri pawhin tunhnai khan game khelh tur pung zel avangin player-te’n nawrh huaihawt an tintuah mek tih a lo sawichhuak tawh nghe nghe.