Prime Minister Narendra Modi chuan Delhi-Mumbai expressway 1,400 km laia sei thawhkhatna chu Rajasthan-a Dausa-ah a hawng.
-- Advertisement --
A hawn chin hi Delhi-Dausa-Lalsot stretch niin 246 km-a sei niin Delhi atanga Jaipur inkar zin kawng chu a hmaa darkar nga vel atangin dar kar thum leh a chanve velah a tihniam dawn a. Hei mai bakah hian helai region tan economic lamah hmasawnna a thlen ngei rin a ni bawk.
“Zirchianna chuan infrastructure chuan investment tam zawk a thlen thin a ti a ni,” tiin PM Modi chuan sawiin, “Sabka Saath Sabka Vikas hi kan ram tana kan thupui a ni a, chu mi zawm chung chuan ‘Samarth Bharat’ kan siam mek a ni,” tiin a sawi bawk a. Expressway chu developing India lan chhuahna zel tiin a sawi bawk.
Hawnna neihnaah hian Union Road Transport and Highways Minister Nitin Gadkari, Union MoS V K Singh, Union minister Gajendra Singh leh hruaitu dang dangte pawhin an telpui bawk a.
India-a expressway sei ber tur hi inthlan hma kumin mipui tena an chhawr theih tura hawn hmasak phawt a ni a. He expressway hian national capital Delhi atanga financial hub Mumbai zinkawng zahve lawihin 12 hrs ah a thlenpui hman tawh dawn a ni.
Eight-lane laia lian kawngpui hi 1,400 km laia sei tur niin a sial nan hian one lakh crore rupees chuang sen tur niin 12 lane a tihzauh belh theih tura ruahman sa a ni bawk.
Kawngpui sirah amenities hrang hrang electric vehicle tana charging station te, helipads, trauma centre, electric vehicles tan bika kawng bithliah te neiin Asia a highway ransa ten an kal kan theih tur leh wildlife crossing awm hmasa ber a ni bawk.
Kilometre hnih dan zelah SOS station dah ni bawkin hei hi accident emaw emergency thil thleng thut thei atana ruahmanna a ni bawk.
Expressway-ah hian 120 kmph laia chaka tlan phal niin kum khatah 300 million litres of fuel leh 800 million kilogram of Co2 emission a hum thei tura ngaih a ni bawk.
Highway pumah automatic toll booth pakhat chauh awmin toll tax te chu luh chiahah chauh laksak ni dawnin a chhuah leh thlengin a daih tawh dawn a ni. Delhi atanga Jaipur thlengin toll tax Rs 70 pek ngai a ni dawn a, km khat zelah 35 paise lak ang a ni.