PM Modia’n France ram chawimawina sang ber dawng
India Prime Minister Narendra Modi chu India ram Prime Minister zinga a hmasa ber atan France rama civilian leh military te tana chawimawina sang ber an pek hhin ‘Grand Cross of the Legion of Honour’ chu French President Emmanuel Macron chuan a hlan. He chawimawina hi July 13, 2023 khan Elysee Palace-ah hlan niin, heti hian PM Modi chuan he chawimawina lo dawng tawh tamtak te zinga ram hruaitu lar tak tak – South Africa President hlui Nelson Mandela te, Prince of Wales lo ni tawh King Charles te, German Chancellor kal chhuak ta Angela Merkel te, UN Secretary General hlui Boutros Boutros-Ghali te zingah a hming a tel ve dawn ta a ni.
Ni hnih cham tura sorkar thil pawimawha France tlawhtu PM Modi hi Ningani khan mi pawimawhte an lo dawnsawn dan hhin angin red carpet chungah kalin French ram ni pawimawh National day or Bastile Day-ah khualzahawm ah a hang nghal a ni.
France sorkarin chawimawina an hlan Grand Cross of the Legion hi PM Modia’n khawvel huap chawimawina a lo dawn tawh te zinga sang ber a ni a. Heng chawimawina a lo dawn tawhte zingah hian – kum 2023 a Order of the Nile Egypt te, May 2023 a Companion of the Order of Logohu, Papua New Guinea te, May 2023 tho a an pek Companion of the Order of Fiji te, Republic of Palau in May 2023 a an pek Ebakl Award te, Order of the Druk Gyalpo 2021, Bhutan te, US sorkarin 2020 a an pek Legion of Merit te, 2019 a Bahrain sorkarin an pek King Hamad Order of the Renaissance te, Maldives sorkarin 2019 a an pek Order of the Distinguished Rule of Nishan Izzuddin, te an tel a ni.
He chawimawina The Legion of Honour hi kum 1802 khan Nepoleon Bonapartea’n a lo siam tawh niin a hniam ber ahanga a san dan indawtin chi ngaah an hhen leh a ni. French ram mi leh sate tan chauha he chawimawina hi tih ni mah se, ram dang mi France tana hnathawk emaw France ram kalphung leh ngaihdante hawmpui thei mite hnenah he Legion hi hlan an ni ve hhin bawk.
Prime Minister Narendra Modi chuan France President Emmanuel Macron hnenah he lawmman hi India ram mipuite aiawha dawng a nih thu, Ministry of External Affairs chuan thuchhuah a siam a ni. French President leh a nupui Lady Brigitte Macron te chuan PM Modi pual hian Elysee Palace-ah zanriah an buatsaih sak bawk a ni.