PM thah tumtu man

Pathianni kal ta July 9,2023 khan Prime Minister Narendra Modi leh Uttar Pradesh Chief Minister Yogi Adityanath te chu UP-112 helpline number hmanga thah tuma vau niin police te chuan he thila inhnamhnawih ngei ni a rin kum 45 a upa Arun Kumar chu man in an hreng zui nghal a ni.
Deoria Kotwali Station House Officer (SHO) sawi danin Pathianni zanlai pelh tawh ah khan Arun Kumar, Gorakhpur khawpui Bhujauli Colony a cheng ni a insawi hnen atangin phone call a lo kal a. Police te chuan phone call an dawnna mobile number atangin phone call lo kalna hmun chu chhui zui nghalin Gorakhpur District a Harpur Budhat, Devrad Village hmuna cheng Sanjay Kumar a lo nih thu SHO chuan Thawhtan zing khan a sawi a ni. Police te chuan Sanjay Kumar hi zu a rui a nih thu leh thubuai siam sakin thu chiang zawk zawh fiah turin an kawl nghal a ni.