A hna leh police tihhmingchhiatna awm si loa Vairengte Police Station officer in charge sawnchhuah rum rum a nih danah director general of police an dem takzet tih Vairengte thalai pawl chuan an sawi.
Social Reconstruction & Enlightement (SORE) Vairengte thuchhuak chuan, Vairengte Police OC Pu H Lalchawimawia sawn a nih chungchangah, sawrkar hnathawkte chu khawi hmunah pawh sawnkual theih an ni in, tuna an sawn tur pawh hi an ui viau rualin an pawmpui a. Chutihrualin, an hotute hnena a dil anga tun thla chhunga a fapa school kal laklawh exam chhung pawh nghak thei loa DGP-in 2023 February 14-a OC charge inhlan thuai tura ziaka a ti chu an hrethiam thei lo tih a sawi.
‘Vairengte khaw tan te, ramri chungchangah leh hnamdang nena buaina a chhuah changtea theihtawpa ram leh Mizo mipui tana hna alo thawh ve tawhna pawh zah zo loa, hnamdang pakhat, police hotu in ama duhdana chhuak rum rum tura a tilui tlat hi kan pawm ve thei lo,’ an thuchhuak chuan a ti.
Hetianga midang pawh sawn tello leh, kumin inthlanpui neih dawna sawrkar hnathawkte sawnkual huna sawn mai theih reng a nih lai a, amah mimal taka sawnchhuah rum rum duhah Mizoram DGP hi puhin, a thil tih dan chu an dem takzet tih a sawi a. Hotute hnena a dil anga naupang exam chhung tal chu a post-ah hian awmtir rih turin sawrkara thuneitu sangte an ngen tih SORE chuan an sawi.
Police officer sawn danah DGP dem
Get real time updates directly on you device, subscribe now.
Prev Post