Postal DepTT pawisa chawitir thu
Lallunghnema
Charity Lodge
Cont: 9862288182
Chhiartu zawng zawngte chibai ka buk a che u.
Consumer Huang in lo chhiar atang hian hlâwkna chhe té tal in neih zel ka beisei. Mi tam takin chanchinbu te chu an en liam mai mai thin a. Mi tam takin an chhiar a, an tangkaipui bawk. Kan thianpa pakhat chuan ziak peih an awm chhung chuan ka chhiar peih a ti thin. Thu ziak hi hriam hrei aiin a hlauhawm zawk a, thil a ti thei zawk an ti. France ram Lal hmingthang Napoleon Bonaparte-a pawh khan chanchinbu mite kha a dah sang hle a. An pawimawhzia a hria a. Chuvangin chanchin thar ziaka theh darhtu chu hmun pawimawh tak a pe thin an ti!
Ani chuan, “Sipai sang rual aiin chanchinbu mi pakhat a hlauhawm zawk,” a ti hial a ni âwm e.
Kei ve pawh hian consumer chungchang hi ka ziak ka ziak mai a. Ka ziak ning thei lo a ni ber. Article pawh hi ka ziak thahnem ve ta viau mai. Hetih lai hian ka beidawn chang a awm a, mahse, khawi khawi emaw atang hian feed back ka dawng leh thin nia maw le! Mahse, ziah leh chhiar ringawt a tawk lo, hman tangkai tur a ni ka ti thin a, chuvangin ka ziak zel mai chu a nih hi!
Tunlai hian hmun hrang hrangah Consumer Awareness Campaign Programme kan hmang thin a. YMA member, thalaite zingah consumer awareness thu kan sawi thin a ni. Mizo thalai zinga thil leitu leh hmangtute chanvo leh dikna sawi chu a naum lam dang hle a ni.
Kumin kumtir lam khan Chawlhhmun YMA memberte nen Consumer Awareness Programme kan hmang tawh a. Mizo thalai an lo pung khawm thahnem khawp mai.
Tun lai hian YMA Branch, Section V1 member thalaite nen kan hmang leh ta a. Kan Veng Republic Section VI, Mualveng Chungah August ni 19 khan kan nei leh bawk a. Kan lawm hle mai. Mahni veng ngeia thalaite hmaa thu sawi chu a nawm dan pawh a dang khawp mai. Remchang awm zel turah ngai ila, Awareness Programme te chu kan la hmang zel dawn a ni. Thil leitu tam zawkin an mamawh an hre lo va, an buai phah a, sum tam tak an sên phah thin a ni. A pawi hle!
Dawrkai thenkhat zingah MRP chiaha thil hralh a, ti tha inti riau hi an awm fo thin nia! Kan sawi tawh thin angin MRP inziak aia hniamin thil reng reng hralh thin tur a ni. He lam chu kan sawi tam tawh lovang. Hei erawh ka sawi duh… MRP aia sanga thil hralh loh tur MRP aia sangin thil lei loh tur.
Consumersm lam thalaite an harh chhuah hun hunah Consumer-te an thaw veng ang. Chuvangin Mizoram pawl chak ber YMA-ten consumer-te chanvo leh dikna an venpui hun apiangah ropui taka hnehin sual chu a tlu sawp thei ang.
Kan thupuiah kan lut tawh ang.
Consumer Advocacy Group International hian member engemaw zat a nei a. Kei pawh member ka ni ve a. WhatsApp group siamin mi engemaw zat kan awm a. India ramah pawh hian CAG International hian inzar pharhin member an nei a ni. He WhatsApp Group-ah hian thu bengvarthlak tak tak post a ni bawk a. Kei pawhin member ka nih angin ka tangkaipui khawp mai.
Hmanni lawk khan member pakhat chuan hetiang hian thu a rawn post pek a “Postal Department te pay Rs. 50,000 for losing law grad’s certificate”.
l Kum 25 mi, Ch. Ravinder, Shabad, Hyderabad ami chuan Law lam chi Osmania University-ah a zir a. A thil zir chu hlawhtlingin he University hian a certificate chu Postal Department kaltlangin a thawn chhuak a. Chu thil thawn chu Ravindar-a te in chu kalh(locked) a nih avangin chu thil thawn an thenawmte inah dah a ni a. Hei vang hian a Law Grads Certificate chu hmuh chhuah theih a ni ta lova. A bo a. Chu veleh chuan he Law zirlai hian Postal Office-ah kalin a complaint ta a. Tichuan, Postal hotute chuan thil thawn bo kengtu Dakpu chu chhuiin dakpu chu thiam loh chantirin Rs. 1000/- an chawitir a, a annual allowance pawh chu a hrensak (withhold) a. Mahse, Ravinder a chu a lungawi lo hle a. District Consumer Disputes Redressal Commission, Ranga Reddy hnenah complaint chu a thehlut ta a. A tawi zawngin sawi ta mai ila. Post office chu Rs. 50,000/- chawitir an ni ta a ni.
l Mizoramah hian Dâk In hi kan chhawr tangkai hle a. Chhawr tangkaitute hi consumer kan ni.
Sumdawng leh dawrkaite, hmun hrang hranga thil zuartute mawhphurhnate, tih tur leh tih loh tur kan sawi mek lai hian keini Consumer-te pawh hian mawhphurhna sang tak kan nei a. Tih tur leh tih loh tur (dos&don’ts) kan nei bawk.
wConsumer chu a rinawm tur a ni.
wA dik tur a ni.
wA hawihhawm tur a ni a.
wA huaisen bawk tur a ni.
wConsumer chu a inngaitlawm tur a ni.
wA thil lei leh hman tur a bêl chiang
hmasa thin tur a ni.
wCash memo/Receipt a la tur a ni a.
wA chapo tur a ni lo.
n Consumer zinga harsatna nei chuan hei hi pan theih reng a ni e:-
Centre For Consumer Education,
Republic, Mual vengchung,
H/No. 34, near Vety Complex