Power chhia siamtha zel
Thli leh ruah thawk avanga Mizorama kawlphetha pekna hrang hrang chhia leh enzui ngaite chu siamthat mek zel a ni tih Power & Electricity department chuan an sawi.
P&E department hian Aizawl khawchhung, Aizawl district leh district dang thenkhata thli leh ruah thawk vanga kawlphetha pekchhuahna chhia – power line chat, transformer chhia leh electric ban tlu bakah a kaihhnawih hrang hrang chu a mal te tea tarlangin, hemi avanga veng leh khua power supply la dawng thei lo te pawh an sawi a, siamthat tuma bawhzui reng a nih dan a sawi a ni.
La siamthat theih loh zingah hian 132kV Zuangtui- Bukpui line a tel a, a chhiatna zawn mek a ni.