President-in Kirti Chakra paruk, Shaurya Chakra 33 hlan
President Droupadi Murmu-i chuan Ningani khan Kirti Chakra paruk a hlan a, a dawngtute zinga pali hi army leh Jammu & Kashmir Police, an hna an thawhnaa huaisen leh danglam bika chete an ni.
Kirti Chakra hi India-a peacetime gallantry award sang ber dawttu a ni.
Col Manpreet Singh, Sikh Light Infantry; Rashtriya Rifles-a sipai pahnih leh Jammu & Kashmir Police officer te hnenah Kirti Chakra hi hlan an ni tih sorkarin chawimawina dawngtu hming a tihchhuahah tar lan a ni.
Armed force Supreme Commander President Murmu-i hian Shaurya Chakra 33 a hlan bawk a. Heng zinga pasarih hi sipai, Central Armed Police Forces leh state/union territory police hnena hlan a ni.
Ram venhimna lama sulhnu chawimawi tlak neite hnenah chawimawina hlan hi Rashtrapati Bhavan-ah neih a ni a. Maj Malla Rama Gopal Naidu, Maratha Light Infantry, 56 Rashtriya Rifles leh Major Manjit, Punjab Regiment, 22 Rashtriya Rifles te hnenah Kirti Chakra hlan an ni.
Rifleman Ravi Kumar, Jammu & Kashmir Light Infantry, 63 Rashtriya Rifles; Colonel Manpreet Singh, Sikh Light Infantry, 19 Rashtriya Rifles; Naik Dilwar Khan, Regiment of Artillery, 28 Rashtriya Rifles leh Deputy Superintendent of Police Himayun Muzzammil Bhat, Jammu & Kashmir Police hnenah indona awm loh laia sipai huaisen chawimawina hlan an ni bawk.
Rashtrapati Bhavan chuan sipai huaisen, ram tana inpe tak takte chawimawina hlan inkhawm hi X-ah pawh a tar lang a. “President Droupadi Murmu-i’n Shaurya Chakra chu Squadron Leader Deepak Kumar, Flying (Pilot) hnenah a hlan a. A nunna atana hlauhawm tak ni chungin a thlawhna chu zan thim hnuaiah ram ro hlu him nan leh mi tam tak nunna hum nan a tumpui a ni,” tiin tar lan a ni.
President-in Kirti Chakra paruk, Shaurya Chakra 33 hlan
Get real time updates directly on you device, subscribe now.